Младински Информативен и Советодавен Центар ИНФО СЕГА е проект кој што го спроведува Коалиција на Младински организации СЕГА а е финансиран и поддржан од Агенција за Млади и Спорт на Република Македонија, Локална Самоуправа Прилеп и програмата CIVICA Mobilitas - имплементирана од ЦИРа и финансиски поддржана од SDC.Основна цел е обезбедување и ширење на информации, давање на совети, испорачување на обуки и едукации од различни области од животот на младите луѓе. Преку функционирањето на ИНФО СЕГА младите ќе бидат информирани за слободните работни места, волонтирање, образовни, рекреативни, културните  институции и установи, остварување на социјалните права, мобилност, следење на различни обуки, преквалификација и патување, спортско наградување и.т.н.

ИНФО СЕГА својата работа ја базира на три програми:

• Здравство (Eдукации и обуки за сексуално преносливи инфекции (СПИ), ХИВ СИДА, алкохол, дрога и сексуално и репродуктивно здравје)

• Граѓанско образование (Обуки за млади - Правата на младите и демократија, младинска партиципација, Обуки за младински организации - управување со проекти (проектен менаџмент), Комуникациски вештини и Тимска работа, Лидерство, Застапување и Лобирање)

• Вработување (Обуки за изготвување на CURICULUM VITAE (CV), структура на CV, мотивационо писмо и интервју за работа)

Информации за:

• Слободни работни места
• Локални спортски и културни активности
• Стипендии во Македонија и странство
• Професионална ориентација (средно и високо образование во РМ)
• Инфо за патување (ЕУ можности)
• EVS и студентски размени
• Можности за волонтирање во институциите и НВОи
• Инфо материјали
• Жолта книга за млади со информации од различни области од секојдневното живеење на младите
• Информативни материјали преку кои учениците и студентите ќе се запознаат со своите права и обврски

Услуги:

• Директни, телефонски и online услуги за советување
• Картички со попуст за млади
• Бесплатен Интернет – cyber cafe
• Достапни информации на Web страната